LAOAG CITY – Inpakaammo ni Acting General Manager Cipriano “Perry” Martinez ti Ilocos Norte Electric Cooperative nga adda dagiti sumagmamano nga empleado ti kooperatiba ti pinatuludan ti surat ti National Electrification Administration.
Segun kenkuana, daytoy ket kalpasan nga adda dagiti banag a kwinestionaran ti National Electrification Administration Audit maipanggep kadagiti records iti nasao nga kooperatiba.
Inlawlawagna a rumrummuar a maipagarup nga adda ti 200 nga items ti saanda pay a naaramidan ti report-na.
Nupay kasta, kunana a nalpasda daytoyen nga inaramid ngem saanda laeng pay a nairekord.
Gapu iti daytoy, kalikagumna a maiplastar a nasayaat ti sistema ti kooperatiba tapno awan ti tumaod a problema kadakuada.
Mainaig iti daytoy, inpasingkedna a maipatungpal ti baro a sistema ti nasao nga kooperatiba inton sumaruno a lawas.
Innayonna nga adda ti maysa nga item a maipanggep iti tax clearance no sadino daytoy ti nangitunda no apay adu dagiti naapektaran nga empleado para iti retirement dagitoy.
