LAOAG CITY – Kinumpirmaran ni Presidente Ferdinand Marcos Jr. nga awanen ti extension ti naituding a deadline para iti consolidation intono Abril 30,2024.
Inrakurak daytoy ni Presidente Marcos bayat iti Bagong Pilipinas Townhall Meeting on Traffic Concerns a naiyuswat iti San Juan City.
Segun iti presidente, saan a masolusyunan ti trapiko no saan a maiyakar iti mass transit no sadinno a kas sungbat iti daytoy ket nangikabil ti gobierno ti subway ken tren tapno awan ti trapiko.
Inlawlawag na a daytoy ti kaalistoan a transportasyon tapno makaliklik iti trapiko.
Inpakaammo ti Presidente nga uray kadagiti dadakkel a pagilian iti lubong ket us-usaren da ti mass transportation gapu ta saan laeng a dagit marigrigat ti agluglugan kadagiti tren ken subway no di ket uray dagiti babaknang gapu ta al-alisto daytoy ken awan ti pasaren a trapiko.
Inpetteng ni Marcos a daytoy ti makaigapu no apay nga ipurpursige ti adinistrasyon naa papintasen ti transport system ti pagilian.
Iti agdama ket adda ti walo a railway project a manarimaan ti pannakaaramid na no sadinno a nasuroken a 50 a porsiento ti nakumpleto.
