LAOAG CITY – Nagdinnungpar ti dua a navy helicopters iti kaadda da iti tangatang bayat ti rehearsal para iti military parade idiay Malaysia a nakatayan amin dagiti 10 a nakalugan.
Napasamak ti insidente iti ili ti Lumut nga isu ti pakasarakan ti Royal Malaysian Navy base.
Inpakaammo ti Royal Malaysian Navy a naikabil amin ti bangkay dagiti biktima iti Lumut Military Hospital para iti pannakabigbig dagitoy.
Inpakaammo ti Royal Malaysian Navy a nangbukel da a dagus ti komite a mangimbestigar no ania ti nangitunda iti insidente.
Mainaig iti daytoy, inrakurak ni Malaysian Prime Minister Anwar Ibrahim a makipagladingit ti sibubukel a pagilian iti pamilya dagiti biktima.
