LAOAG CITY – Naiyuswat ti nalawa a tignay-protesta iti nagduduma a lugar idiay Australia gapu iti mapaspasamak a kinadamsak kontra kadagiti babbai.
Kalikagom dagiti demonstrador a maideklarar ti national emergency ken mapaigetan ti linteg gapu iti pannakaidad-dadanes dagiti babbai iti nadakamat a pagilian.
Inrakurak ni Prime Minister Anthony Albanese a ti isyu ket maibilang kas national crisis.
Naamoan nga ita laeng a tawen ket masansan nga adda dagiti mapatpatay a babbai.
Inpetteng ti organizer a ni Martina Ferrera a kalikagom da a tutukan daytoy ti gobierno ken mangipatungpal ti emergency action ken immediate action.
