LAOAG CITY – Suportaran ni House Committee on Bases Conversion Chairman ken Zambales 1st district Rep. Jay Khonghun ti direktiba ni Presidente Ferdinand “Bongbong” R. Marcos Jr. a paigetan ti laban kontra iti smuggling ti tabako ken vape tapno maprotehiran ti salun at ti publiko ken masurot ti linteg.
Nagpanawagan ni Khonghun, iti amin nga ahensya ti gobierno kas ti Departments of Finance (DoF) ken Trade and Industry (DTI) a tulungan ti presidente gapu ta dakkel a pangta ti smuggling iti ekonomiya ti pagilian.
Inpetteng pay ti House Assistant Majority Leader a ti panagipuslit ti tabako ken vape ket saan laeng a pangta iti salum at ngem ketdi adda pay epekto na kadagiti lehitimo a negosyo ken mapaspastrek ti gobierno.
Inpaganetget pay ni Khonghun ti kari ni Speaker Ferdinand Martin G. Romualdez a parmeken iti amin a klase ti panagpuslit kangrunaan na iti agricultural products a prayoridad ti kamara de representantes.
Kumpiyansa ti agpanpanday linteg iti panangikarkarigatan ti administrasyon a solbaren ti isyu iti babaen ti naiget a panagtitinnulong dagiti ahensya ti gobierno, law enforcement ken dadduma pay nga stakeholder.
Nagkari ti agpanpanday linteg nga agtultuloy nga ilungalong dagiti lehislasyon kinatawan na patuloy na itutulak tapno naan anayen a maparmek ti smuggling ken masigurado ti pagsayaatan dagiti Pilipino.
