LAOAG CITY – Awan ti maaramidan dagiti mannalon no agdesisyon ti makin-bagi nga ilako ti daga a taltalonen da.
Daytoy ti inbatad ni Mr. Vic Ines iti Provincial Agrarian Reform Program Officer II iti Department of Agrarian Reform Office no sadinno ket daytoy ti kangrunaan a maidadanon a problema kadakuada.
Gapu iti karuay dagiti reklamo seknan iti daytoy ket nagballaag ni Ines iti publiko a saan nga agpangdua-dua nga agturong iti opisina da tapno mapagsasaritaan dagiti rumbeng nga aramiden da.
Inpakaammo na pay a no nagpagdesisyonanen ti owner ti daga nga ilako ti taltalon ket awan ti maaramidan ti agtaltalon.
Ngem nu pay kasta ket inpasigurado ni Ines a no adda ti saan nga umno a proseso ket sisisagana ti Department of Agrarian Reform a protektaran ti karbengan dagiti mannalon.
Inbatad na nga ada dagiti proseso a rumbeng a masurot sakbay a makabuangay da iti konklusyon.
Kabyatanna, inbatad na nga adda met ti legal counsel iti nasao a departamento a mabalin a maidiaya kadagiti kasapulan na ti legal advices.
