LAOAG CITY – Pinaburan ti Korte Suprema ti petisyon nga inpila ti Department of Justice a mangkidkiddaw nga iyakar iti Quezon City Regional Trial Court ti panagdengngeg iti kaso ni Pastor Apollo Quiboloy a naipila iti Davao Regional Trial Court.
Segun iti Korte Suprema, nakakita da ti maysa a compelling reasons tapno palubusan ti panangiyakar ti venue tapno maliklikan a maaddaan ti public interest.
Makatulong daytoy tapno nawaya a maipaay dagiti testigo ti testimonya da kontra ken ni Pastor Quiboloy ken dadduma pay nga akusado.
Ni Quiboloy ket sumangsango ti agsusukot a kaso nga adda ti pakainaigan iti sexual abuse ken child abuse iti Davao City Regional Trial Court bayat a sumangsango pay ti qualified human trafficking a madengdengngeg met iti Pasig City.
Agpapan ita ket agtultuloy paylaeng a birbiruken dagiti otoridad ni Quiboloy.
