LAOAG CITY – Pabor ti 50 a porsiento ti Filipino adult population a pagbalinen a legal iti Pilipinas ti diborsyo para kadagiti agasawa nga “irreconcilably separated”.
Daytoy ket basar iti resulta ti First Quarter 2024 Social Weather Report.
Mamati dagitoy a dagiti agasawa a nagsinan ken saanen a maurnus pay ket rumbeng a mapalubusan nga agdiborsyo tapno legal a makapagkasar manen.
Bimmaba met ti bilang dagiti pimmabor iti pannakapagbalin a legal ti diborsyo manipod iti 65% a nairekord idi Marso ti napalabas a tawen.
Iti isu metlaeng a survey, adda ti 31% dagiti Pilipino a nataengan a saan nga umanamong iti diborsyo idinto a 17% ti saan pay makadesisyon iti isyu.
Basar iti survey, ti nangato a bilang dagiti pabor iti ket dagiti indibidwal nga ag-live-in partners no ikumpara kadagiti saanna pay a nagkasar, nabalo, nagsina nga agasawa ken dagiti nagkasaren.
