LAOAG CITY – Kalikagom ti City Tourism Office a plastaren ti Tourism Center ditoy ciudad ti Laoag.
Segun ken ni Sang. Panlungsod Member Handy Lao, chairman ti committee on tourism, adda ti datin a naipatakder a tourism office a masarakan iti Aurora Park ket kayatda a papintasen pay daytoy.
Kunana a mangputar da ti ordinansa nga agserbi a guide da para iti Seal of Good Local Governance (SGLG).
Innayonna a no mapapintas ti pasdek ket adadda a maapresiar daytoy dagiti turista nga agturong ditoy ciudad.
Malaksid iti daytoy ket kalikagomda pay ti maaddaan ti kanayunan nga staff para iti napinpintas a serbisyo.
Kabayatanna, saan a pay a masinunuo ti kadagupan a gatad a magastos para iti renobasyon ti nasao nga opisina.
