LAOAG CITY – Nangitunda napalawa nga aberia ken pannakatantan dagiti biahe nga agtayab mapan ken rumuar iti Estados Unidos dagiti baro a sanction ti Estados Unidos kontra kadagiti airline ti Iran.
Iti babaen ti kampania nga “Operation Economic Outcast,” pinatawan ti Estados Unidos ti sanction ti 27 nga airline ken binallaagan dagiti international airpoirt a mangipapaay ti serbisio kadagiti eroplano ti Iran.
Gapu iti panagpaiget, immabot iti agingga 18 nga oras ti dati a tallo nga oras a biahe kabayatan a ngimmato iti sumurok $1,000 ti presio dagiti flight ticket.
Malaksid iti daytoy, nangitunda pay daytoy ti sumurok-kumurang 20 a porsiento a panagbaba kadagiti international flight manipud iti Iran a nangitunda ti dakkel a pannakalugi iti pagsapulan kadagiti airline ken travel agency.
Nu man pay agtultuloy ti panagbirok ti solusion ti gobierno ti Iran, agtalinaed a nakaserra ti kaadoan kadagiti direkta a ruta kabayatan ti agtultuloy dagiti kaudian a kanselasion ti biahe.
