LAOAG CITY – Agtultuloy ti implementasyon ti Tara, Basa tutoring program nga insayangkat ti Department of Social Welfare and Development.
Daytoy ket babaen ti tulong dagiti tutor ken youth development workers iti nagdumaduma a rehion ti pagilian.
Segun iti ahensia, iti tunggal session ket ipaganetgetda ti panangpalawa ti paglaingan dagiti ubbing iti panagbasa.
Mainaig iti daytoy, ket tinulongda dagiti nagannak no maipapan iti umno a panangaywan ken maalay-ayanda ti panagadal dagiti annakda.
Kabayatanna, babaen iti tulong dagiti key partners ken ti komunidad, ad-adu pay nga agtutubo ken pamilia ti matulongan a dagiti ubbing iti masakbayanda.
