LAOAG CITY —Sumagmamano a panagbalbaliw ti aramiden ti Philippine Basketball Association (PBA) iti rugi ti Season 49.
Segun iti baro a nabutosan a kas chairman ti Philippine Basketball Association a ni Ricky Vargas, maaddaan ton ti 4 points rule.
Mangrugi a maipatungpal daytoy iti Governor’s Cup no sadinno a sumrek ti bola manipud 27 feet iti basket ket maibilang daytoy kas 4 points.
Inlawlawagda nga agtalinaed latta ti three-point line wenno ti 23-foot line.
Immuna a naiyam-ammo ti nasao a pagannurotan idi napan a tawen kabayatan ti All-Star Game idiay Iloilo City ket sipud idin ket nagustuan daytoy dagiti opisial ti Philippine Basketball Association.
