LAOAG CITY – Indauluan ti Department of Information and Communications Technology (DICT) ti pannakaipatungpal ti pammilin ti Presidente nga agtitinnulong ti gobierno ken ti pribado a sektor iti pannakapalawa ti broadband connectivity ditoy pagilian.
Segun iti pannakangiwat ti Department of Information and Communications Technology a ni Renator Paraiso, ti internet links ket awan ti kasapulan na nga obligasion seknan iti panagbayad ti setup fees ken rental payment, no sadinno a makatulong daytoy saan laeng a kadagiti ciudad no di ket pakairamanan dagiti nasusilinek a lugar.
Kunana nga adda inisiatiba ti Department of Information and Communications Technology a tumulong a mangpadaras iti pannakaipatungpal ti linteg a mangipaay iti lease-free wifi connectivity.
Mainaig iti daytoy, naan-anay nga inkumit ti ahensya ti suporta da iti dagus a pannakaipasa ti ganuat iti Senado, daytoy ket dagiti House bills 900 ken 8534, nga intantandudo ni Reps. Christian Yap ken Joey Salceda, agpada, a panggepna a baliwan ti National Building Code ken implementaren ti no-fee setup ti internet link kas iti pannakaipasdek ti suplay ti danum ken koriente.
Gapu iti daytoy, mangisayangkat ti Department of Information and Communications Technology ti taripnong kadagiti telco providers tapno matulongan ida a mangsiguro iti umno a koordinasion kadagiti realty owners para iti broadband connectivity.
Maipqlagip a nasurok nga 600 a real property ken building owners ti immanamong a mausar a libre nga dagiti kompania ti telco dagiti pasilidadda.
Kabayatanna, kinuna ni Paraiso a ‘basic human right’ itan ti internet connection, isu nga agtultuloy ti panangipasdek ti Department of Information and Communications Technology kadagiti Free WiFi for All sites tapno maikkan dagiti Pilipino iti internet access.
