LAOAG CITY – Nagballaag ni dati nga health secretary ken House Majority Leader Janette Garin iti publiko nga agannad kageddan ti panagngato ti kaso ti tuberculosis (TB) idiay Tondo, Manila.
Inaramid ni Garin ti rakurak kalpasan a ma-diagnosed ti maysa a grupo dagiti doktor ti dumanon ti 1,280 a residente ti Tondo ti nagpositibo iti sakit a tuberculosis.
Segun iti Kongresista, makaalarma ti nasao a report isu a nasken nga agaramid ti tignay ti gobierno.
Inbatadna a madanagan gapu iti kanayon nga out of stock ti agas para iti tuberculosis kadagiti public medical facilities.
Inpetteng ni Garin a makaalarma a kurang ti agas para iti nasao a klase ti sakit.
Inlawlawagna a ti tuberculosis ket maysa nga infectious disease a mangitunda ti bacteria.
Basar iti datos ti World Health Organization (WHO) idi 2023 a mapattapatta a 10.8 million individuals iti intero a lubong ti agsagsagaba ti tuberculosis.
