LAOAG CITY – Maibilang kas “deadliest year” ti tawen 2024 para iti pakasaritaan iti media iti intero a lubong.
Daytoy ti inrakurak ti Committee to Protect Journalists.
Iti napalabas a tawen ket saan a nababbaba iti 124 a kameng ti media ti napapatay, ken iti Israel ti responsable iti agarop 70% manipod iti nasao a bilang.
Ngimmato daytoy iti 22% no ikumpara idi 2023, Ken kaadoan kadagiti insidente ket napasamak kadagiti pagilian nga addaan ti international conflict, political unrest, ken krimen.
Karaman kadagiti pagilian a nakairekordan ti kaadoan a napapatay a kameng ti media ket iti Palestine, Sudan, Pakistan, Mexico, ken Haiti.
