LAOAG CITY – Suportado ti Malakanyang ti panagpila ti linteg a mangdusa kadagiti tattao nga agiwarwaras ti peke nga impormasyon.
Daytoy ti inbatad ni Press Officer Undersecretary Atty. Claire Castro iti Palace press briefing.
Inlungalong pay ni Castro nga iparehistro dagiti amin a content creators tapno maisardeng ti panagwaras ken panagraira ti misinformation ken disinformation.
Nupay kasta, kuna na a kasapulan ti panangadal a naimbag dagiti agpanpanday linteg ti ‘full scope’ ti fake news, kangrunaan na ti depinido a kaipapanan daytoy.
Kabayatanna, ti Presidential Communications Office iti babaen ti liderato ni Jay Ruiz, ket nakatutuk tapno paigetan ti pananglaban iti peke a damag iti online.
