LAOAG CITY – Nagballigi ti nagtipon a pwersa ti Philippine Drug Enforcement Agency ken Provincial Drug Enforcement Unit a nangarestar iti maysa a construction worker iti insayangkat da nga anti-illegal drug buy-bust operation iti ili ti Sarrat.
Nabigbig ti subject iti operasyon a ni Jayson dela Cruz, addaan ti umno a tawen, construction worker ken residente iti Barangay Abaca iti ili ti Bangui.
Inarestar a dagus dagiti otoridad ti suspek kalpasan a naglako ti maysa a dakkel a sachet a naglaon ti maipagarop a shabu nga agbalor iti 7 ribo a pisos iti nagpammarang a poseur-buyer.
Naamoan a ti nasao a subject ti operasyon ket maibilang kas Regional Target ti Philippine Drug Enforcement Agency ken High Value Target ti Philippine National Police.
Kabayatanna, inpetteng ti suspek a saanna a bagi ti naala kenkuana nga ebidensya.
Inpalgak na nga agtrabtrabaho iti ili ti Paoay kas construction worker ngem kuna na nga adda ti kadwa na a napan iti ili ti Sarrat tapno laeng makifiesta.
