LAOAG CITY – Agarup 1,400 nga indibidual ti naarestar gapu iti panaglabsingda iti election gun ban kas paset ti security measures para iti national ken local polls a maisayangkat inton Mayo, basar iti datos nga inruar ti Philippine National Police (PNP).
Basar iti daily report ti National Election Monitoring Action Center (NEMAC), inbatad ti Philippine National Police a 1,398 nga indibidual ti naarestar agingga idi Sabado, Marso 1 no sadinno kaaduan kadagitoy ket natiliw iti National Capital Region (NCR) a 419.
Iti sabali a rehion, 37 ti naarestar iti Ilocos Region, 43 iti Cagayan Valley, 207 iti Central Luzon, 106 iti Calabarzon, innem iti Mimaropa, 22 iti Bicol Region, 66 iti Western Visayas, 186 iti Central Visayas, 31 iti Eastern Visayas 33 iti Zamboanga Peninsula ken 55 iti Northern Mindanao.
Adda met ti naarestar nga 69 iti Davao Region, 33 iti Soccsksargen, 25 iti Caraga, 38 iti Bangsamoro Autonomous Region in Muslim Mindanao (BARMM) ken iti 22 iti Cordillera Administrative Region (CAR).
Karaman kadagiti natiliw ti siam manipud iti Philippine National Police, pito manipud iti Armed Forces of the Philippines (AFP), innem manipud iti dadduma pay a law enforcement agencies, lima nga elected government officials (EGO), dua nga appointed government officials (AGO), maysa manipud iti Citizen Armed Force Geographical Unit (CAFGU) Active Auxiliary, innem a foreign nationals, tallo a children in conflict with the law, 31 a security guards ken 1,328 a sibilian.
Nakumpiskar pay ti Philippine National Police ti 1,422 firearms, 541 a revolvers, 431 a pistols, 51 a replicas, 50 nga explosives, 31 a Class A guns, 26 a shotguns, 19 ra ifles, dua a Class B guns ken 271 a dadduma pay.
Adda ti siam a validated election-related incidents, innem ti “violent” idinto a tallo ti non-violent.
Adda pay ti pito a mapapati nga election-related incidents ken pito a non-election related incidents.
Naipatungpal ti nationwide gun ban idi Enero 12 ken agtultuloy agingga inton Hunio 11, 2025.
