LAOAG CITY – Natay ti 31 nga indibidual kalpasan ti panagdinnungpar ti truck ken bus idiay southern Bolivia.
Kinumpirmaran ni Police Spokesperson Limbert Choque ti death toll a karaman pay ditoy dagiti pasahero a lallaki ken babbai.
Naammoan nga adda ti 22 a tattao ti nasugatan iti insidente.
Basar iti pulisia, nagtalidtid pay agingga a natnag iti derraas nga adda ti kaunegna a 500 a metro kalpasan ti napasamak a desgrasia.
Mainaig iti daytoy, ti insidente ket napasamak iti highway iti nagbaetan ti Oruro ken highland mining city ti Potosi.
Kabayatanna, insigida met a naarestar ti drayber ti truck ken agtultuloy pay laeng ti maiwaywayat nga imbestigasion.
