LAOAG CITY – Maysa a baro nga epecies ti pusa ti naduktalan idiay Bolivia kalpasan ti nasurok a 100 a tawen, a naipaayan ti scientific name a “Leopardus Tilcayo” ken immunan a naawagan ti “weird cat”.
Naggapo ti Tilcayo cat iti Yungas Eco Region, nga immunan a nakita idi 2016 iti igid ti bantay ken naibati idi 2019 iti Wildlife Sanctuary gapu iti panagbalin na a “weird” wenno naidumduma.
Inadal ti maysa a biologist ken explorer manipod iti National Geographic ti nasao a pusa no sadinno a kalpasan a naikompara iti genome ti 38 a pusa, naduktalan a maysa daytoy a baro nga species.
Sabsabali ti langa ti Tilcayo cat, gapu ta basbassit no ikumpara kadagiti pusa a makitkita iti pagtaengan, addaan ti atiddog a whiskers ken adda ti spots na nga arigna leopard.
Agtultuloy ti panangadal ti biology ti Tilcayo cat ken ti wagas ti panagbiag na.
