LAOAG CITY – Kinumpirmaran ti White House nga insardeng ti Estados Unidos ti military aid iti Ukraine.
Inbatad ti Vice-President JD Vance nga inpasardeng ni US President Donald Trump ti military aid iti Ukraine tapno irebisar no ti pondo ket adda metlaeng ti maitultulong na iti panangsolbar iti problema ti nadakamat a pagilian.
Nupay kasta, kuna ni Vice-President Vance a silulukat ti Amerika para iti Ukraine iti pannakaisubli ti negosasyon no kayat ni Zelensky pagsaritaan a seryoso ti maipapan iti saritaan ti kapia.
Daytoy ti maibilang kas major escalation iti agbaetan ti Estados Unidos ken Ukraine.
Maipalagip a ti Estados Unidos ti kadakkelan ta paggapgapwan ti military aid iti Ukraine.
Ti desisyon ni Trump ket naipatungpal kalpasan a krinitikar na ni Ukrainian President Volodymyr Zelensky gapu iti panangibaga na a ti pannakaisardeng ti gubat iti nagbaetan da iti Russia ket adayo a mapasamak.
