LAOAG CITY – Kalikagum ni Finance Secretary Ralph Recto a maaddaan ti naiget a linteg kontra kadagiti online gambling.
Daytoy ket kalpasan ti panawagan a naan-anayen nga ipawil daytoy ditoy pagilian.
Basar iti sekretario nga adda ti dakkel a tulong iti birok ti gobierno kadagiti online gambling.
Inlawlawagna a tinawen ket adda ti makolkolektarda a birok iti Philippine Inland Gaming Operator (PIGO) nga ipatpataray ti Philippine Amusement and Gaming Corporation (PAGCOR).
Kunana a kas solusion ket napateg a mangipatungpal ti gobierno ti pagalagadan mainaig kadagiti nasao nga industria.
Naammoan a dagiti sumagmamano a singasing ni Recto tapno masigurado nga adda iti umno a tawen dagiti agay-ayam ket nasken a birokan dagitoy ti national ID a mangipaneknek a saanda a menor de edad.
Maipalagip nga ilunglungalong dagiti agpanpanday linteg a nasken a kanselaren met dagiti lisensia dagiti Philippine Inland Gaming Operator gapu ta makadadael iti biag dagiti umili.
