LAOAG CITY – Mabalin a mailako ti agingga iti $20 milyon ti jersey nga isinuot da NBA legend Michael Jordan ken Kobe Bryant iti immuna nga ay-ayamda.
Basar iti Sotheby’s auction a namnamaenda a magatang dagiti nasao a jersey ti sag-$10-M iti tunggal maysa.
Inbatad ti auction house a saan laeng daytoy nga agpada a memorabilia ken imbes ket simbolo ti ambision ken kinasirib a nangpabigbig iti ay-ayamda.
Ti jersey ni Jordan ket pirmadona manipud idi 1980 ket maysa nga “unicorn” a manmano laeng a makita iti merkado.
Insuot daytoy ni Jordan iti umuna nga ay-ayamna iti Chicago Bulls idi Oktubre 5, 1984 iti Peoria, Illinois.
Makita iti apilyedo ken numero ni Jordan a 23 ket ti nangisit a mantsa a manipud iti nagan ken numero ti dati nga umaayam nga adda ti suotna iti nasao a jersey.
Kabayatanna, ti jersey ni Bryant iti Los Angeles Lakers ket insuotna iti umuna met nga ay-ayamna idi Oktubre 1996 preseason debut.
Mangrugi ti auction inton Marso 21 iti New York.
Naammoan a ti kanginaan a jersey ni Jordan a nailako ket ti suot daytoy idi 1998 NBA Finals a nagatang iti balor a $10.1-M idi Setiembre 2022 idinto ti Bryant jersey idi 2007-2008 Most Valuable Season ket nailako iti balor a $5.8-M.
