LAOAG CITY – Natay ti maysa a senior citizen a lalaki kalpasan a nadisgrasya iti paset ti Barangay Pugaoan iti ili ti Pinili.
Ti biktima ket agtawen ti 71, naasawaan, electrician, ken residente iti Bgry. Pagdilao iti ili ti Pinili.
Iti imbestigasyon ti Philippine National Police, bayat nga agpapa-amyanan ti biktima ket na-miscalculate na iti agkurba a paset ti kalsada partikular iti sango ti Pugaoan-Bungro Elementary School a nangitunda iti pannakaipakanal na ken naitupar ti ulo na iti semento.
Naamoan nga apaman a nakita ti agnagan ti Kremlin Diamsay ti nasao a biktima ket insigida na nga inreport iti ipagna a ni Barangay Chairwoman Helen Ednilao iti Brgy Bungro iti ili ti Pinili, nga isu metten ti nangitawag iti police station.
Nagsagaba ti nakana a sugat iti ulo ti biktima ken naitaray iti Karmelli Clinic and Hospital iti Brgy Apatut-lubong iti ili ti Pinili ngem naideklarar a dead on arrival babaen ti attending physician a ni Dr. Japeth Caraang.
