LAOAG CITY – Inrakurak ni Senador Ronald “Bato” Dela Rosa a nakasagana daytoy a kaduaenna ni dati a Presidente Rodrigo Duterte kalpasan nga inarestar ti International Criminal Court (ICC) ni Duterte mainaig iti panangpatay nga adda ti pakainaiganna iti kampania kontra iti droga ti administrasionna.
Inbatad ni Dela Rosa, no maibus aminen ti legal a wagas ken saan latta a magun-od ti hustisia, ad-adda a pilienna a sumurot ken ni Duterte ngem makita ti pamiliana nga agdusa.
Inlawlawagna a kusa daytoy a sumuko no mangiparuk-at ti warrant ti International Criminal Court kontra kenkuana.
Naabisoanna payen ti asawana mainaig iti desisionna ken naglikudanna a lemlemmenganna dagiti otoridad gapu ta manarimaan ti panagkampaniana idiay Surigao ken Agusan.
Namnamaen ti International Criminal Court a mangiparuk-at pay ti nayon a warrant para kadagiti maipagarup a kakunsabo ni Duterte no sadinno a maysa ditoy ni Dela Rosa kas maibasar ken ni dati a Senador Antonio Trillanes IV.
Nagturong ni Duterte idiay The Hague nga addaan ti layover idiay Dubai sakbay a timmayab idiay Netherlands.
