LAOAG CITY – Namitlo a daras a nagsina ngem namitlo a daras met a nagsinnublianan da Jerald Napoles ken Kim Molina.
Ita nga engaged dagitoyen, ti panagkallaysa laengen ti ur-urayen dagti pamilia, pagayam ken dagiti fans dagitoy.
Inbatad ni Kim nga adda ti maysa nga ugali ni Jerald a rason no apay a nakisinnublianan isuna iti namitlo a daras ken kayatna nga isunan ti makaduana iti tungpal biag.
Mainaig iti daytoy, ti Rak of Aegis ti stage musical nga agpada a nakipasetanda idi 2014 no sadinno nga ad-adda a naam-ammoda ti tunggal maysa gapu iti panagakemda kas Aileen (Kim) ken Tolits (Jerald).
Napagsaritaan ti panagsina da Jerald ken Kim gapu iti Un-Ex You, ti pelikulada a maipabuya kadagiti pagsinean a mangrugi inton Abril 9, 2025.
