LAOAG CITY – Dakkel a mangitantudo iti panangtagiben iti aglawlaw ti Trash to Cash Program iti lokal a gobierno ditoy siudad ti Laoag.
Daytoy ti inpakaammo ni Ms. Mylene Isabel Pascual, mangidadaulo ti City Environment and Natural Resources Office (CENRO).
Segun ken ni Pascual, amin a basura dagiti empleado ti lokal a gobierno ditoy siudad ket kasapulan a mai-segregate wenno mapagsisina dagiti mabalin pay a ma-recycle tapno mai-kilo ken mailako daytoy ken agbalin a kuarta.
Inbatadna nga apaman a makolektar dagiti basura ket adda ti umay nga ag-pick up kadagitoy manipud iti maysa a junk shop a nakikammayetanda iti nasao a programa.
Inlawlawagna a dagiti mapaglakoan dagitoy ket urasenda a panggatang kadagiti kasapulan iti opisinada ken dadduma pay.
Inayonna a no asino ti kaaduan a departamento iti napaglakoan kadaytoy a programa ket maipaayan dagitoy ti pammadayaw.
