LAOAG CITY – Agtultuloy ti panangidiaya ti gobierno probinsial ken Technical Educational and Skills Development Authority (TESDA) iti nagduduma a training courses ditoy probinsya.
Segun ken ni Ms. Liz Atuan iti Provincial public Employment Service Office, naruay dagiti mabalin nga alaen dagiti indibidual a kurso ken mangkitkita da pay iti mabalin nga skills training para kadagiti job seekers.
Inrakurak na pay nga adda dagiti available courses para kadagiti empleado a kayat na a ma-enhance ti skills-na.
Kunana a kalpasan daytoy a training course ket makaawat da iti National certificate.
Inpakaammo na a karaman kadagiti kurso a mabalin da pagpilyan ket ti plumbing, computer system servicing, heavy equipment operation ken dadduma pay.
Mainaig iti daytoy, gutgutiguten ni Atuan dagiti indibidual a mangayat a mangala iti kurso da tapno ad-adda pay a maasa dagiti skills ken talento da a mabalin da nga usaren iti pagtrabahuan da.
