LAOAG CITY – Maisayangakat ti maysa a local recruitment activity iti government services office iti dayaen a paset t ti kapitolyo iti siudad ti Laoag.
Daytoy ket babaen ti pinagkikinnammayet ti gobierno pribinsia ken ti Provincial Public Employment Service Office iti maysa a kompania nga agsapsapol kadagiti aplikante.
Mainaig iti daytoy, impakaamo ni Mrs. Rachelle Batangan, officer in-charge ti nadakamat nga opisina a mangrugi ti recruitment activity inton Hulio 24 iti bigat agingga iti malem.
Segun kenkuana, paset daytoy ti kalikagum ti probinsia a tulungan dagiti umili nga agbirbirok ti trabaho.
Inlawlawagna nga agkasapulan ti naimbitaran a kompanya ti ado a klase ti marketing representatives.
Gapo iti daytoy, gutgutigoten ni Mrs. Batangan dagiti agkalikagum nga ag pre-register tapno nasapa a makita ti employer dagiti resume dagiti aplikante.
