Sumangsango ti Delhi, India ti nakaro nga air pollution.
Basar iti nairekord nga air quality index, umabot daytoyen ti 2.5 fine particulate matter a mabalin a mabaradwan ti bara.
Maibilang daytoy nga adda iti ‘very poor’ quality ti angin a makaapekar iti minilyon a residente iti lugar.
Gapu iti daytoy,nangipatungpal dagiti otoridad ti Stage II ti Graded Response Action Plan (GRAP) no sadinno a karaman kadagiti naipatungpal ket ti nalawa a panagdalos ti kalsada ken pananglimitar ti panagusar dagiti lugan.
Ti napasaran a polusyon ket napasamak sumagmamano nga aldaw sakbay ti Diwali festival, maysa a kadakkelan a festival iti India.
Namnamaen met nga ad-adda pay a kumaro ti polusyon a mapaspasaran iti India gapu iti manamnama a panagusar ti fireworks iti maisayangkat a festival.
