LAOAG CITY – Naragsakan ti Ppop group nga SB19 iti pannakaibus ti panangrugi ti world tour-da iti pagilian ti “Simula at Wakas.”
Iti online account ti grupo ket inrakurakda a sold-out-en ti ticket ti konsiertoda a maiyuswat iti Philippine Arena inton Mayo 31, 2025.
Basar pay iti grupo a saanda a ninamnama nga iti agarup pito laeng nga oras ket insigida a naibus ti tickets sipod idi inrakurakda ti panaglako daytoy idi Marso 15.
Kabayatanna, kas panagyaman ket nag-post ti grupo ti bidyu iti panagsalada ti baro a kantada a “DAM.”
