LAOAG CITY – Maysa a Guinness World Record breaker ti nagun-od kalpasan nga inabakna ti bukudna a rekord iti titulo a “fastest time to fold and throw a paper airplane.”
Iti uneg laeng ti 5.12 seconds, naaramid nga ikulpi ken ipurwak ni David Rush ti eroplano a papel no sadinno a naartapanna ti dati a 6.15 second record-na.
Inaramidna ti baro a milestone iti mismo nga headquarters ti Guinness World Records idiay London.
Naammoan nga uray nga adayo iti perpekto ti papel nga eroplano daytoy, ti napateg ket ti kinapaspas ken diskarte a nagbalin a rason tapno maartapanna ti previous record.
Iti agdama, ti rekord-breaking nga eroplano daytoy ket naka-display iti opisial a cabinet ti Guinness idiay London.
Saanen a damo kenkuana iti nasao a pammadayaw gapu ta isuna ket addaan ti kaaduan a Guinness World Records titles.
