LAOAG CITY – Nakasaganan ti legal team ni Vice President Sara Duterte para iti impeachment trial daytoy.
Inbatadna a sakbay pay nga inarestar ti International Criminal Court (ICC) ti amana a ni dati a Presidente Rodrigo Duterte ket nabukelen ti impeachment teams daytoy.
Mamati daytoy a nakasagana ti amin a legal team-na tapno sungbatan ti impeachment kontra kenkuana.
Kabayatanna, inlawlawagna a saan a kaskari nga ibatina idiay The Netherlands ti amana agingga a saanna a mabukel ti legal team para iti dati a Presidente.
Innayonna nga iyur-urayda laengen dagiti papeles manipud kadagiti abugado tapno maisapinal ken maipayam-ammo dagiti abugado iti dati a Presidente.
