LAOAG CITY – Inbutaktak ti online personality a ni Zeinab Harake a naikeddeng nga agkallaysada iti basketbolista a nobiona a ni Ray Parks Jr. ita a tawen.
Inbatadna a maiyuswat koma ti panagkasarda iti ballasiw taaw ngem adu ti nasken pay laeng nga asikasoen isu a maisayangkat lattan ti panagkallaysada babaen ti outdoor wedding ditoy pagilian.
Kunana a kalikagumda nga umuna nga agkallaysa sakbay a mangbukelda pamilia ken maaddaan ti bukudda nga annak.
Plano ti dua a maaddaan ti prenup photoshoot iti local location ditoy pagilian.
Immunan a naisayangkat ti prenup shoot dagitoy idiay Japan iti napalabas a bulan.
