LAOAG CITY – Maysa kadagiti dakkel a karit para kadagiti homemakers wenno uray asino a pamilyar iti panagdalus iti kusina ket ti panangikkat ti grease stain wenno sebo iti plastic food containers.
Adu manen ti makita iti online dagiti hacks para iti daytoy kas ti panagusar ti baking soda ken vinegar.
Nupay kasta, agduduma ti reviews isu a saan a sigurado no epektibo dagitoy.
Ti nakadawyan nga insuro dagiti natataengan nga ibabad pay laeng nga umuna ti container ti hot wenno warm water sakbay nga ugasan babaen ti dishwashing soap ken danum.
Adda ti maysa a TikTok video a nag-viral sumagmamano a tawenen ti napalabas.
Makapabilib ti resulta gapu ta maikkat ti sebo iti plastic container a nagusar laeng ti danum, dishwashing soap ken maysa pay nga item a masarakan laeng iti uneg ti pagtaengan.
