LAOAG CITY – Inlawlawag ni Atty. Joel Gines, Provincial Election Supervisor a saanda nga ipawil ti panagibunong dagiti kandidato ti T-shirt, pal-id ken dadduma pay a banag saan laketdi a kuarta.
Segun ken ni Gines, dati ket masapul nga agpakada iti en banc ngem gapu ta mamati ti Commission on Elections babaen ti Chairman a saan a makaumanay dagitoy a banag tapno agbaliw ti panunot dagiti botante no asino ti butosanda.
Namunganay daytoy a panangilawlawag ti Provincial Election Supervisor kalpasan nga adda dagiti agsalsaludsod a no mabalin kadi daytoy gapu ta naruay dagiti kandidato nga agibunbunong kadagiti nasao a banag.
