LAOAG CITY – Makilaban ti Rhythmic Gymnastic ti Team Laoag idiay Thailand.
Daytoy ti inpakaammo ni Mr. Hipolito Salva, ti mangidadaulo ti City Sport Development Office ditoy ciudad ti Laoag.
Segun kenni Mr. Salva, ti grupo ti gymnastic ti Team Laoag ket isu iti mangirepresentar iti SAWASDEE CUP 2025 a maangay intono Abril 24-26 ita tawen idiay Thailand.
Kunana a dagiti makilaban ket dagiti mismo medalist iti Region 1 Athletic Association Meet iti elementary ken secondary level iti Team Laoag.
Inbatadna a napintas daytoy a kompetision tapno ad-dda pay a madevelop iti talento da, pakaadawan ti disiplina, panagtalek iti bukod a bagi ken pakaalaan kadagiti dadduma pay techniques iti Rhythmic Gymnastic.
Mainag iti daytoy, kunana a babaen iti panagback-to-back champeon iti Team laoag iti Region 1 Athletic Association Meet ket makita no kasano ti kapintas iti sports para kadagiti agtutubo ditoy ciudad.
Innayon na a sidadaan dagitoy a tumulong tapno magun-od dagiti agtutubo iti arapaap da maipapan kadagiti nagduduma nga sports a pakisalipan dagitoy.
