LAOAG CITY – Agsublin ti Maalaala Mo Kaya wenno MMK inton Abril 24.
Kagiddan ti panagsubli ti Maalaala Mo Kaya ket agsubli met ti orihinal daytoy nga host a ni Charo Santos-Concio kadua ti baro nga estoria a mangipakita iti biag dagiti Pilipino a mabuya kadagiti nagduduma a channel ti telebision.
Ipakita ti Maalaala Mo Kaya ti baro daytoy nga istilo iti panagestoria iti 13 a limited episodes a mangipaay ti gundaway iti Gen Z ken Millennials nga agbalin a paset iti kada estoria ken iti social media.
Tampok iti umuna nga episode iti panagsubli ti MMK ket ti estoria ni The Voice USA Season 26 champion Sofronio Vasquez III a sarunoen ti estoria ti maysa kadagiti miembro ti Nation’s Girl Group a BINI.
