LAOAG CITY – Inikkat ni Public Works Secretary Vince Dizon ti dua a district engineers iti Pampanga gapu iti saan a nagballigi a pannakaipatungpal ti road safety measures iti highway iti Angeles City a nangitunda iti pannakatay ti lalaki kalpasan a natnag iti maysa nga open manhole.
Iti memorandum ti Department of Public Works and Highways, saan a nagballigi a nangipatungpal da Pampanga 3rd Officer-in-charge District Engineer Aser S. Mallari ken Officer-in-charge Assistant District Engineer Augustin R. Dagsaan, Jr. ti kasapulan nga addang iti Fil-Am Friendship Highway iti Angeles City, Pampanga para iti kinatalged ti publiko.
Maipalagip a natnag ti lalaki iti open drainage canal a nalayus kabayatan ti napigsa a panagtudo gapu iti habagat.
Kabayatanna, basar iti ahensia a maiyataday ti direktiba ni Presidente Ferdinand Marcos Jr., a siguradoenda ti pannakaipatungpal ti safety ken quality standards iti amin a proyekto tapno masigurado ti kinatalged ti publiko.
Impasigurado met ti opisial nga agsungbat dagiti opisial ti Department of Public Works and Highways a saan a mangtaripato ti trabahoda.
