LAOAG CITY – Nangipila ti not guilty please ni dismissed Department of Public Works and Highways (DPWH) official Brice Hernandez ken innem pay a dati nga empleado ti Bulacan First District Engineering Office iti kaso a graft mainaig ti maipagarup a P77M ghost flood control project iti Balagtas, Bulacan.
Kadwana a nagpila ti not guilty plea ket isuda dismissed DPWH officials Jaypee Mendoza ken Juanito Mendoza, kasta payen da Arjay Domasig, Niño Morales, Floralyn Simbulan ken Christina Pineda, nga adda iti floating status.
Inpaayan met ti korte ti 10 nga aldaw ti uppat nga opisial nga adda iti floating status tapno ilawlawag ti rason no apay saanda a kasapulan ti dumalan iti preventive suspension kabayatan a madengdengngeg ti kaso.
Iti arraignment, impetteng ti depensa a nakapalaon iti criminal information nga awan ti nairekomenda a piyansa wenno bailable offense ti graft. Kiniddaw met ti prosekusion nga amendaranda daytoy tapno mangikeddeng ti P90,000 bail.
