Na-injure iti maysa a dati nga aide iti pro-Russian Ukrainian a politiko idi kalman, Nobiembre 13 gapu iti maysa a car explosion wenno panagbettan ti maysa a bekihulo iti southern Moscow.
Mainaig iti daytoy, inbatad ti otoridad ti Russia ti insidente ket maikadua a panagatake iti las-od ti dua nga aldaw.
Basar iti Investigative Committee of Russia for the city of Moscow, ti biktima a ni Sergey Zavorotny, dati nga adviser iti dati a pro-Russian prime minister of Ukraine Mykola Azarov, ket naitaray iti ospital iti siudad para iti pannakataming na.
Kabayatanna, inbatad ti Russian Investigative Committee a manarimaanen ti komprehensibo nga imbestigasion iti panagbettak iti Kirovogradskaya Street idiay Moscow.
Immunan iti daytoy, natay ti maysa a Russian serviceman iti maysa a car explosion iti St. Petersburg idi Nobiembre 12.
Gapu iti daytoy, binabasol ti Russia ti Ukraine dagiti immuna nga assassinations dagiti military officials ngem agpapan ita ket awan pay rakurak ti otoridad ti Ukraine mainaig iti insidente ti panagbettak ita a lawas.
