Sumagmamano a bar, karaoke venues, spa ken dadduma pay nga establishimento ti nadutokan nga agserra ti tengnga ti rabii iti uneg ti maysa a lawas iti siudad ti Quezon.
Daytoy ket kas panangpaiget iti seguridad iti 49th ASEAN summit.
Ti mandatory closing time ket nangrugi idi kalman, Nobiembre 16 ken agpaot agingga inton Nobiembre 21. Pinirmaan ni Quezon City Mayor Joy Bel Monte daytoy iti babaen ti executive no. 42.
Sakup ti pammilin dagiti establishimento nga addaan ti Safe Seal Ordinance iti siudad kas dagiti bar, karaoke venues, massage parlors, spa, ken internet café. Karaman pay dagiti restaurant, restobars, drinking lounges ken dagiti kapada nga establishimento a kasapulan pay nga agserra sakbay sakbay ti naikeddeng nga oras.
Kabayataanna, saan a naipatungpal ti insingasing a midnight cutoff kadagiti hotel, resory, apartelles, tourist in, motels, pension house, homestar ken condominium. Pakaiamanan pay dagiti 24-hour fast-food chain ken convenience stores.
Agkasapulan pay ti agisumitir ti covered businesses ti maitutop a video footage ken surveillance camera record kas parte ti ordinansa iti seguridad kabayatan ng aagtultuloy ti ASEAN summit.












