LAOAG CITY – Pinalawa ti Quezon City Government ti akses iti doxycycline kalpasan ti panagngato ti kaso ti leptospirosis.
Manamnama ti pannakaipaay ti agas kadagiti health center, Quezon City Action Offices, outreach sites ken kadagiti dadduma pay nga accessible a lugar.
Malaksid kadaytoy, mangiwayat pay ti lokal a gobierno ti siudad ti Quezon ti house-to-house distribution ken community health workers ken Barangay Health Emergency Response Teams kadagiti naapektaran a lugar.
Kabayatanna, basar iti Quezon City Epidemiology and Surveillance Division, umabot iti 555 ti kaso ti leptospirosis iti lugar idi napalabas a bulan, katukad daytoy ti 75% ti pakabukelan a 740 a kaso manipud Enero angingga Setiembre 7, 2026.
