LAOAG CITY – Insigida a nag-react ti maysa a lalaki iti nangngeganna nga agkidkiddaw ti tulong bayat ti panagturogna no sadinno ket insigida a nilukatan ti nasao a lalaki ti ridaw a mapan kitaen ti nangngeganna no sadinno ket kinatawaan dagiti kabsatna ti nagbalin a reaksionna.
Iti maysa a viral post iti online, makita nga aggaabay a nakadata da Jenery ken dagiti dua a kabsatna iti Quezon City iti oras ti alas-5 ti bigat.
Segun kadakuada, agbuybuya dagiti tallo nga agkakabsat agingga nga immuna a nakaturog ni Jenery agingga nga adda ti nangngeganna a boses ken agkatkatok a kinunana a, “Anybody there!? Tao po! Hoy, maawa naman kayo!”
Gapu iti daytoy, insigida a timmakder ni Jenery ken nagderetso iti ridaw tapno kitaen ti nangngeganna nga agklidkiddaw ti tulong agingga a nilawlawagan dagiti kabsatna isuna a ti nangngeganna a boses ket aggapu iti TV a pagbuybuyaanda.
