LAOAG CITY – Maysa nga higante a goldfish ti naduktalan iti Presque Isle State Park a nagserbi kas ballaag kadagiti pet owner a saan a basta paruk-atan dagiti tarakenda iti karayan wenno waig.
Basar iti U.S. Fish and Wildlife Service (USFWS), ti mala-“megalodon” nga ikan ket nabirukan kabayatan a mangisaysayangkat ti survey dagiti eksperto.
Dakdakkel pay daytoy ngem ti ima ti researcher, pammaneknek no kasano a dumakdakkel ti goldfish no maparuk-atan iti natural a danum.
Gapu ta awan ti natural a kalaban, alisto dagitoy nga umadu ken agbalbalin a pangta kadagiti native nga ikan.
Malaksid iti panagtakawda kadagiti taraon ti sabalin nga ikan, paal-alasenda ti kalidad ti danum iti babaen ti panagkali iti uneg ti karayan wenno waig a mangitunda ti napuskol a pitak.
Naammoan ti biddot a panangtaraken kadagiti pet fish ket mabalin nga agresulta iti dakkel a problema iti ecosystem.
