LAOAG CITY – Inbilin ti Korte Suprema iti Trump Administration nga isardeng ti panagideportar kadagiti maipagarop a Venezuelan gang members kas naipalaon iti babaen ti 18th-century wartime law.
Immunan nga inreklamo ti American Civil Liberties Union (ACLU) ti Trump administration gapu iti plano a panangideportar kadagiti Venezuelans a nakabalud iti north Texas.
Gapu iti daytoy, nangiparuk-at ti pammilin ti Korte Suprema iti gobierno a saan a mangikkat iti siasinno man a balud manipod iti Estados Unidos agingga nga awan ti pammilin ti korte.
Nupay kasta, kinontra daytoy da Justice Clarence Thomas ken Justice Samuel Alito.
Maipalagip nga inusar ni US President Donald Trump ti 1798 Alien Enemies Act ken inakusaran na ti Venezuelan gang Tren de Aragua (TdA) a napatungpal, manggangandat ken agpangpangta ti panagraot iti teritoryo ti Estados Unidos.
