LAOAG CITY – Agladladingit ni Cristine Reyes iti pannakatay ti ibilangna kas maysa nga ama a ni Demetrio Pascual.
Inburay ti aktres daytoy a damag babaen ti panangi-upload-na ti reel video.
Inpakita ni Cristine iti nasao a bidyu ti dati a pagtaenganda ken ti aw-awaganna kas ‘daddy’ idi sibibiag pay isuna ken addan ti ang-angalenna a sakit.
Inlawlawagna a nagbabawi daytoy gapu ta awan isuna iti sibay ti ibilangna nga ama idi mapugsatan ti anges.
Kunana nga awan ti gatad a kaibatugan ti panagayat nga inpaay ti ibilangna nga ama kadakuada.
