LAOAG CITY – Naragsak nga inpakaammo ni Jail Warden Edietor Guiang ti Ilocos Norte Police Provincial Jail a manarimaanen ti Technical Education and Skills Development Authority course dagiti persons deprived of liberty wenno dagiti balud iti nadakamat a pagbaludan.
Segun kenkuana, babaen ti Technical Education and Skills Development Authority ket ad-adalen dagiti balud ti kurso a front office and services.
Inbatadna a napintas daytoy a wagas para kadagiti balud tapno inton makarruardan iti pagbaludan ket adda ti namnamaenda a pagtrabahoan ditoy probinsia.
Mainaig iti daytoy, maipaayan dagiti persons deprived of liberty ti allowance kabayatan ti panag-training dagitoy tapno adda ti nayon nga usarenda inton makaruarda iti pagbaludan.
Kabayatanna, adda ti maipaay kadagiti balud a sertipikasion nga NC II nga agturpos iti Technical Education and Skills Development Authority course.
