LAOAG CITY – Nagkiddaw ti tulong ti Korte Suprema iti sumagmamano nga ahensya ti gobierno tapno maestablisar dagiti adda iti likudan ti panagwaras dagiti maipagarop a peke a dokumento ti kangatoan a korte.
Partikular ditoy a panawagan ti Korte Suprema a matulungan ti opisina da tapno naan-anay a mabigbig ken maberipikar no siasinno dagiti adda iti likudan ti kastoy a klase ti aramid.
Segun ken ni Supreme Court Chief Justice Alexander Gesmundo, kasapulan a masolbar daytoy gapu ta ti saanda a kayat a mausar ti korte tapno makabiktima ken makaloko kadagiti tattao.
Innayon na a manarimaan ti pannaki-koordinar da iti Philippine National Police (PNP) ken National Bureau Investigation (NBI) tapno masigurado a mabigbig dagiti indibidwal a gagem da a dawatan ti kwarta dagiti biktima.
Maipalagip nga immuna a nangiparuk-at ti Korte Suprema ti maysa a ballaag mainaig iti panagwayas dagiti peke a notice, resolusyon ken dadduma pay a dokumento a maipagarop nga aggapo iti opisina da.
