LAOAG CITY – Sinungbatan ti Philippine National Police (PNP) dagiti nagbalin a rakurak ni Sen. Imee Marcos a mabalin a mapilaan ti kaso ni PNP Chief Police Gen. Rommel Francisco Marbil ken uray ni Criminal Investigation and Detection Group (CIDG) Chief MGen. Nicolas Torre III mainaig paylaeng iti pannakaarestar ni dati a Presidente Rodrigo Roa Duterte nga agdama a trat-trataren iti Committee on Foreign Relations ti Senado.
Inrakurak ni Police Regional Office III ken Philippine National Police Spokesperson PBGen. Jean Fajardo a nakasagana dagiti hepe a sangwen ti aniaman a criminal ken administrative cases a mabalin nga ipila ni Sen. Marcos kontra kadakuada iti aniaman a proper forum.
Mainaig iti daytoy, inrakurak ni Fajardo a ti laeng inaramid ti Philippine National Police iti pannakaarestar ni dati a Presidente Duterte ket ti nangasistir iti Philippine Center on Transnational Crime (PCTC) para iti implementasyon ti red fusion notice para iti dati a presidente.
Innayon ni Fajardo a mamati dagiti hepe a dagiti nagbalin a tignay da iti pannakaarestar ti dati a presidente ket maiyataday iti linteg ken kas panangtungpal iti sinapataan da a mandato kas paset iti organisasyon ti Philippine National Police.
